полктік артиллерия тобы

(полковая артиллерийская группа (ПАГ))

ұрыс кезіне мотоатқыштар (танк) полкінің мүддесіне міндет атқару үшін бөлінген және жалпы басқаруға бі-ріктірілген артиллериялық бөлімдер мен бөлімшелер. П.а.т. дивизиондық және дивизияға қоса берілген артиллериядан құрылады, оған өзі қоса берілген полк нөмірі беріліп, сол полк командиріне тікелей бағынышты болады. П.а.т-ның негізгі міндеттері: полктің қимыл жасау алқабындағы қарсыластың адам күшін, минаатарларын, танкіге қарсы және басқа атыс құралдарын жою. Әдетте, П.а.т-на бірнеше артиллериялық дивизион кіреді, ұрыс кезінде олардың бір бөлігі полктің бірінші эшелоны батальонының бағыныштылығына берілуі мүмкін. П.а.т-ның атысын басқаруды командир мен штабтық топ жүзеге асырады, олар, әдетте, топ негізін құрайтын артиллериялық бөлімнің немесе дивизиондардың бірінің командирі мен штабынан тағайындалады. П.а.т. атыс жүргізу үшін ұрыстық ретке жайылады. Ол өзінің құрамына кіретін бөлімдер мен бөлімшелердің, топтың басқару және бақылау пункттерінің ұрыстық реттерінен тұрады. Ұрыс кезінде П.а.т. полктің мотоатқыштар (танкілік) бөлімшелерін үздіксіз атыспен қолдауды қамтамасыз ету үшін дивизион бойынша ілгерілейді.